Ақмола облысында тексеру комитетінің басшысы қызметкеріне қол көтерген
Қарамағындағы қызметкерін ұрған Ақмола облыстық тексеру комиссиясы басшысының міндетін атқарушы жазаға тартылды, деп хабарлайды ҚазАқпарат.
Соттың мәліметі бойынша, 2018 жылы 1 наурызда Көкшетау қалалық сотында Ақмола облыстық тексеру комиссиясының басшысы Д.Алтаеваға қатысты сот отырысы өтті. Сотта анықталғандай ағымдағы жылдың 1 ақпанында Ақмола облыстық тексеру комиссиясының қызметкері А. Әйткенова өзіне шығарылған тәртіптік жазаға келіспей басшысы Д.Алтаевамен жаға жыртысып қалған.
«Сот шешімімен Д.Алтаева ҚР ӘҚбК 73-1 бабының 1 бөлігі бойынша әкімшілік жауапқа тартылып, 25 253 теңге көлемінде айыппұл салынды. Сонымен қатар, сот-медициналық сараптама өндірісіне жұмсалған 8 151 теңге көлемінде қаржыны жергілікті бюджет есебіне өнідіріп алу туралы шешім шығарылды», деп мәлім етті баспасөз қызметіндегілер.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе