Ақмола облысында атышулы ауыл әкіміне қатысты қылмыстық іс қайта қаралды
Ақмола облысындағы Курск ауылдық аймағының бұрынғы әкіміне қатысты қылмыстық іс басқа бапқа ауыстырылды. Владимир Рагозный бұған дейін ауылдасы Баржақсы Жәмішевті «өз-өзін өлтіруге итермеледі» деген күдікке ілінген еді.
Бұл туралы КТК арнасы хабарлайды.
Естеріңізде салсақ, оқиға осыдан екі ай бұрын болған. 47 жастағы азаматты туысқандары шалажансар халде әкімнің жеке көлігінен тапқан еді. Жәмішев сол күйі есін жимастан көз жұмды. Полиция сол кездегі Курск ауылдық аймағының басшысы Владимир Рагозныйға қатысты жерлесін «өз-өзін өлтіруге итермеледі» деген бап бойынша қылмыстық іс қозғаған болатын.
Бірақ марқұмның туысқандары мұнымен мүлдем келіспеді. Енді Қостанайда жасалған сот-медициналық сараптаманың қорытындысы дайын болып, қылмыстық іс қайта қарастырылды. Сөйтіп, ол «Өлімге әкеліп соққан ауыр дене жарақаттары» деген бапқа ауыстырылды. Сондай-ақ, бұл күдікке онымен бірге болған тағы бір азамат ілігіп отыр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз