Ақ қалпақты қорлағандарға үлкен көлемде айыппұл салынады

Агенттік мәліметтеріне қарағанда, 2018 жылдың 30 қазанында қоғамдық тыңдауға ҚР «Заң бұзушылықтар туралы» Кодексіне енгізілетін өзгерістер ұсынылмақ.

Бұған Қырғызстанның Жогорку Кенешінің депутаты Экмат Байпакпаев бастамашы болған.

Заңды түсіндіру анықтамасында құжаттың «Ұлттық бас киім Ақ қалпаққа мәдениет символы мәртебесін беру туралы» заң жобасын дайындау барысында қолға алынғаны айтылады.

Аталмыш құжат талаптарына сәйкес, ендігіәрі қырғыздардың Ақ қалпақтарын қорлағандарға арнайы заңға сәйкес айыппұл салынады.

«Ұлттық бас киім Ақ қалпаққа мәдениет символы мәртебесін беру туралы» заң жобасы қырғыз халқының ұлттық мұрасының маңызды элементтерінің бірі – Ақ қалпақтың имиджін оңалтуға, оны қорғаудың құқықтық базасын бекітуге, дамыту мен қолдауға, насихаттауға бағытталған. Заң жобасы сонымен қатар Қырғыз Республикасы мен Қырғызстан халқын олардың тарихи мұрасы мен Ақ қалпақты киіп жүру мәдениеті арқылы барынша танытуға бағытталған. Заң жобасына Қырғызстанның Заңбұзушылықтар туралы кодексіне 65,2 бабы енгізіледі.

Оған сәйкес, Ақ қалпақты қорлағандарға 1 дәрежеде (жеке тұлғалар үшін 10 есептік көрсеткіш, заңды тұлғаларға 50 есептік көрсеткіш) айыппұл салынады. Аталмыш заң талаптарының бұзылуын анықтау жергілікті өзін-өзі атқарушы органдардың құзырына беріледі. Заң жобасы Қырғызстан Конституциясының нормаларына сәйкес келеді және оның құқықтық, гендерлік, экологиялық, экономикалық, сыбайлас жемқорлық бағыттары бойынша ешқандай салдары болмайды.