Мемлекет алдында төленбеген салық мөлшері заң бойынша бекітілген сомадан үш есе көп болғанына қарамастан Мақсат Үсенов шекара асып кетті.
Бұл туралы NUR.KZ хабарлайды.
Мемлекеттік кірістер комитеті сайтындағы ақпаратқа сәйкес, Үсенов 6 маусымға дейінгі мерзімде 174 216 теңге 1 тиын қарыз.
“Атқару өндірісі және сот орындаушыларының статусы туралы” Заңның 33 бабына сай, 20 АЕК-тен (45380 теңге) аса қарызы бар азамат қарызын өтемегенше елден шыға алмайды.
Осыған қарамастан, Үсенов Қазақстаннан Бангкокқа барған. Ол өзімен бірге ұшқан жолушылардың жүйкесіне тиген.
“Эйр Астана” баспасөз қызметі оның бірнеше рет ұшақта тәртіп бұзғанын мәлімдеді.
Осыған байланысты әуекомпанияның экипажы тәртіпке сәйкес жолаушыны Бангкок әуежайына келіп қона сала, Тайланд полицейлеріне тапсырды.
Үсенов енді деструктивті жолаушыларды ерекше бақылауға алатын жолаушылардың “қара тізіміне” енуі мүмкін.