«Әкем анамды тұншықтырып өлтіре жаздады»: Маңғыстаулық жігіт әкесінің қамалғанын қалайды
Маңғыстау облысының Мұнайлы ауданында жас жігіт анасы үшін көпшіліктен көмек сұрады. Оның айтуынша, мас әкесі анасын үнемі ұрып соғып, қорлық көрсетеді. Тіпті әкесі анасын аяусыз ұрып тастаған.
«Әкем ішіп алып анамды түн ортасында қуалап сабап, мүгедек қылуға дейін апарған. Бала кезімде мені аямай ұрып, психологиялық соққы жасаған. Бала үшін анадан артық адам жоқ. Әкенің жақсылығы жездедей-ақ. Мұндай әкенің барынан жоғы. Бала күнімде анам екеуімізді кезек-кезегімен ұратын. Жасы елуге келсе де анамды ұруын тоқтатар емес. Әкем лайықты жазасын алса екен. Полицияға тапсырғанымызбен екі сағаттан кейін, ешнәрсе болмаған сияқты босатып жібереді, – деді жанайқайын жеткізген ол.
Оның елден жәрдем сұрап, жолдаған үндеуі Instagarm-дағы Abdulla_kz парақшасында жарияланды.
«Қазір жұмысыммен басқа қалаға кетіп қалсам, анамды ұрып, өлтіріп тастай ма деп қорқамын. Мақсатым – әкемді түрмеге қамату. Себебі, ол лайықты жазасын алуы керек. Мұндай тирандарды қоғамнан ажырату қажет. Ол бізбен ғана көшеде кетіп бара жатқандармен де, көршілерімізбен де қырылған. Анамды түнде тұншықтырып, өлтіріп тастауға дейін барды. Таңертең әкем ешнәрсе білмеймін, есімді білмеймін деп кешшірім сұрап отыр», – деді видеодағы жігіт.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе