Әнші Қайрат Нұртастың әкесі Нұртас Айдарбеков өнер әлемінде жүр. Гүлзира Айдабекованың енді күйеуін де әнші етпек арманы бар.
Бірақ, Нұртас Айдарбеков ұлымен жарысып ән айтуға аздап ынғайсызданатын сияқты, деп жазады stan.kz.
Шығармашылық жаңалықтармен Нұртас Айдарбеков 31 арнаның «Айта берсін» бағдарламасына берген сұхбатында бөлісті.
Гүлзира Айдарбекова күйеуін танымал әнші еткісі келетінін айтқан еді. Бұған Нұртас Айдарбековтің өзі не дер екен?
«Маған Гүлзира ешқандай продюсерлік жасамайды. Айтсам, өзім анда-санда әнімді айта жүрермін. Біз жалпы бір отбасымыз ғой, продюсерлік деген жоқ», – деп түсіндірді Нұртас Айдарбеков.
Феномен әншінің әкесі тойға да шығып тұратынын жасырмады. Әкесінің тойда ән салатынын Қайрат ұнатпайтындақтан, ол ұсыныстардың көпшілігінен бас тартатындығын айтты. Нұртас Айдарбеков тойдан ұлынан қарағанда үш есе аз табыс табатынын ашып салды.
«Тойға барамын, бірақ көбінесе өзім тартыншақтап, бас тартуға тырысамын. Өйткені Қайрат та ыңғайсызданып жатады кейде. Ал енді қалай да келуіңіз керек деген жерлерге барамын. Мәселе ақшаға тіреліп тұрған ештеңе жоқ. Бірақ бойыңда кішкене өнер жатқаннан кейін, соны шығарғың келіп тұра ма? Қарап отырсаңыз, қартайып қалған да ештеңем жоқ сияқты. Дегенмен біздің қазақы менталитетке бір жағы келмейтін сияқты ма? Енді білмеймін, ештеңе айта алмаймын», – дейді Қайрат Нұртастың әкесі.
Бәтес Ерболат