Беловодское ауылының тұрғыны (Қырғызстан) Авасбек Рысманов Оңтүстік Кореяда алты жыл жұмыс істеп келіп, басынан кешкенін әңгімелеп берді, деп хабарлайды Sputnik-Қырғызстан.
Ол авиабилетке қажетті 700 долларды бір жыл бойы жинағанын айтады.
Сосын Инчхон қаласына келгенде өзге әлемге тап болғандай әсерде болғанын жеткізіпті.
“Әуежайының өзі біздің бүкіл Бішкек сияқты. Ондай биік үйлерді де өмірі көрмеппін. Кореяда алты жыл тұрғанымда бір рет те аяғым балшық баспады. Жердің бәрі түгел асфальт, немесе тас төселген, тап-таза. Кореяда LG техникасының корпусын шығаратын зауытқа оператор болып жұмысқа орналастым. Бірінші айда 800 доллар алғаным есімде. Одан кейін айлығым кейде 2 500 долларға дейін жетіп жүрді. Ол жақта жұмыс уақыты таңғы сағат 8-ден кешкі беске дейін ғана. Бірақ мен ақша табу үшін келген мигрант едім, тәулігіне 12 сағаттан жұмыс істедім, өйткені жалақы жоғары. Өзіме 300 доллар ғана жұмсап, қалғанын жинап жүрдім“, – дейді Авасбек.
“Ол жақта әр адам өз жұмысын өте сапалы атқаруға тырысады. Олардың осы әдетін мен де үйрендім. Бірақ олар жаппай шошқа етін жейді. Маған қиын болды. Сол үшін аспаздар мен үшін арнайы жеке тамақ пісіретін. Ақыры отаныма қайта оралдым. Өз еліңе бәрібір ештеңе жетпейді екен. 2016 жылы елге оралып, үйлендім. Қазір қызымыз өсіп жатыр. Қазір жер алып, картоп өсірумен айналысамын“, – дейді Рысманов.
Авасбек Рысманов. Фото: © Sputnik / Жоомарт Ураимов
https://kaz.365info.kz/shydatpady-khazakhstannan-koship-bara-zhatkhan-khazakh-shyndykhty-ajtyp-ketti-300079