Қазақстанның қазіргі президентінің атышулы немересі Айсұлтан Назарбаев көптен бері футбол саласын айналшықтап жүрген еді.
Ақыры ол Қазақстан футбол федерациясында жоғары лауазымға ие болды.
Бүгін, ақпанның 28-і күні Қазақстан футбол федерациясы Атқарушы комитетінің кадрлық мәселелер бойынша отырысы өтті, деп хабарлайды ҚФФ ресми сайты.
Айсұлтан Назарбаев ҚФФ-ның халықаралық ұйымдар, ФИФА, УЕФА және шетелдегі ұлттық футбол қауымдастықтарымен байланыс жөніндегі вице-президенті болып тағайындалды.
Айта кетсек, 26 жастағы Айсұлтан Назарбаев — бұрын кәсіпқой футболшы болған адам. Ағылшынның “Портсмут” клубында, бұрынғы “Локомотив” (қазіргі “Астана”) және “Сұңқар” командаларының қосалқы құрамында доп тепкен, деп жазады vesti.kz.