Белгілі қазақстандық әнші Айгүл Бабаеваның қызы Алиса Бржставицкая омырауын кішірейтті. Күні кеше блогер әрі жазушы операция бөлмесінен тікелей эфир жүргізді.
“Ес білгелі менімен бірге болған жүктен арылатын уақыт жетті. Әрине, мені барлықтарыңыз түсіне алмайсыздар. «Әдемі омырауын алып тастаудың не қажеті бар?» дейсіздер.
Жауап берейін: өйткені ол мүлдем әдемі емес, ол менің көңіл-күйімді түсіреді, әсіресе төстартқыш тақпаған кезде. Кешіріңіздер, төсіңді орап, төстартқышқа жұдырықпен салсаң, оның несі қуаныш? Ешқандай.
Антигравитациялық 9-өлшем болса шыдар едім, бірақ шын мәнінде бізде толықтай гравитация. Күтетін ештеңе қалмады. 35 келі салмақтан арылдым. Ал жазда үлкен ойығы бар жабық купальник кигім келеді.
Сондай-ақ, кейде төстартқыш тақпай жүргім келеді. Қысқасы, операция сағат 10-да өтеді. Тікелей эфирде», – деп жазды Алиса пышақтың «астына» түспес бұрын.
Одан кейін Алиса операциядан кейінгі әсерімен бөлісті.
Ол өзін бақытты сезініп тұрғанын айта келіп, нәзік жандыларға спортпен шұғылдануға, дене сымбатына жете көңіл бөлуге кеңес берді. Мақсатына жеткен қыз көзіне жас алды.
Ал желідегілер Алисаға тезірек сауығып кетуін тіледі.