Әйелінен жасырып, тоқалымен неке қиятын қазақтар бар — АХАТ қызметкері
Алматының АХАТ бөлімінде ең қысқа уақытқа тіркелген неке туралы айтып берді, – деп хабарлайды Tengrinews.kz тілшісі.
Түрксіб ауданының АХАТ жетекшісі Жанана Дүйсенбаеваның сөзінше, отбасы бір күннен кейін ажырасып кеткен.
“Үлкен той болды. Бірнеше жыл бұрын болған. Мыңға жуық қонақ болды. Алматылықтар, дәулетті отбасылар. Таң атпай жатып екеуі ажырасуға арыз беріп келіпті. Сөйтсе, өзара бір сыйлықтарды бөлісе алмай қалған екен. Осындай да жағдай болған”, – дейді Дүйсенбаева.
“Әйелдерінен жасырып, тоқалдарымен некесін қиюға келетін. Оның үстіне, діни ұстанымдары бар адамдар. Әрине, алдымен мәлімет базасы арқылы тексереміз, сосын олардың өтінішін кері қайтарып отырдық. Тіпті әйелі барын жасырып, өзге әйелдермен некесін қиюға тырысқандар да болды. Оларды тоқтатып отырдық, бұл үшін жауапкершілік барын ескертеміз. Осыдан кейін беттері қайтатын”, – деп атап өтті Жанна Дүйсенбаева.
https://kaz.365info.kz/ony-ajelinen-khatty-khyzganamyn-astanalykh-zhas-tokhal-syryn-akhtardy-272082
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе