Канзас-Сити тұрғыны Джон Риппл әйелінен әбден шаршапты.
Әйелін көргісі келмегені соншалық, түрмеге түсіп, әйелінен демалу үшін әдейі барып банк тонапты.
Ойына түскені сол екен, әйтпесе оған бәрібір, кез-келген қылмыстан тайынбайын депті.
Сол күні Джон банкке кіріп, кассирге айғай салыпты: “Қалтамда тапанша бар, ақша әкел” деген. Шамамен 3 мың доллардай ақша алған ол ешқайда қашпай, банктің ішінде полицияның келуін күтіпті.
Полицияның келгені сол екен, “Әй, сендер мені іздеп жүрсіңдер ме” деп алдарынан өзі атып шығыпты.
Сотта Джон мен банк тонағаным үшін айыптымын деп мәлімдеді, сот оны 37 айға түрмеге қамау туралы шешім шығарған. Бірақ қас қылғанда, адвокаттар қоймай жүріп, Джонның жазасын үйқамаққа және 50 сағат қоғамдық жұмысқа жұмсартуға қол жеткізіпті.
https://kaz.365info.kz/jelimdi-satam-figurasy-zha-sy-degen-habarlandyru-shy-ty-225883