Әйелдерге қысқа көйлек киіп, шаш бояуға тыйым салынды

27 сәуiр 2018, 10:21

Ал ендеше! Бұл қалай дұрыс па? Ескілікке оралу емес пе?

Түркіменстанда денеге жабысып тұратын көйлек киюге тыйым салынды.

Бұдан былай көйлектер дененің сипатын айшықтамай, тік тұруы тиіс екен. Көйлектің етегі жерге дейін түсіп тұруы міндеттеліп отыр, тек шұлық пен аяқ киім көрінсе ғана болды. Ал жең ұзындығы саусақтарға дейін жетуі тиіс екен.

«Ескілікке оралып жатырмыз, киіз үй заманына. Жасым 20-да, мен енді арғы әжемнің көйлегімен жүруім керек пе екен? Келесіде не, паранжа?», — деп жазады Ашхабад тұрғыны.

Елдегі сұлулық салондарында әйелдер шашын жаппай қараға боятып жатқан көрінеді.

«Блонд түсті бояуды барлық каталогтан алып тастап, клиенттерге ашық түсті шашты түркіменстандық әйелдер ер адамдарды қоздырып, әлдебір әрекеттерге итермелейді», — дейді Ашхабадтағы сұлулық салонының шебері.

Еске сала кетейік, осыған дейін Түрікменстанда мемлекеттік мекемелер мен ұйымдардың шенеуніктеріне тырнақ бояп, өсіруге, кірпік өсіруге, шаш бояуға және алтын бұйымдарды тағуға тыйым салу туралы норманың енгізілгені хабарланған болатын.

Тіпті қаладағы сұлулық салондарында қызметтің бұл түрлері тізімнен алынып, елге кірпік пен тырнақ өсіруге арналған материалдарды әкелуге тыйым салыныпты.

Ал осыдан кейін әйелдерге арналған осындай өнімдердің бағасы 50 пайызға дейін қымбаттап кеткен.

Дереккөз: Tengrinews.kz.