Күні кеше Қырғызстан президенті латын әліпбиіне көшуге қарсылық білдірді. Қырғыз басшысының бұл ойы әлеуметтік желіде қызу талқыға түсуде. Осыған қатысты біз белгілі саясаттанушы Айдос Сарымның ойын білген едік.
Саясаттанушының айтуынша, Алмазбек Атамбаевтың сөзіне аса мән берудің қажеті жоқ. А.Сарым «Ол саяси тұғырдан кетіп жатқан адам. Ондайларды саясатта «Ақсақ үйрек» деп айтады. Оның үстіне А.Атамбаев тым ресейшіл саясаткер. Менің ойымша, ол кейде не сөйлегенін өзі түсінбейтін сияқты»,-дейді. Оның сөзіне сүйенсек, қырғыз елінің президенті екі сөйлейді. Яғни біздің елге келгенде айтқанын, Қырғызстанға барғанда басқаша жеткізеді. Бұл саясатекерге абырой әкелмейді.