Air Astana рейсінде «мас жолаушыға» айыппұл салынды
Алматының әкімшілік құқық бұзушылық жөніндегі соты 2004 жылы туған жергілікті тұрғын Карина Набиеваның ісіне шешім шығарды. Ол мұның алдында Air Astana әуе компаниясының рейсіне жіберілмей, шу шыққан.
Іс материалдарына сәйкес, 26 шілде күні кешке желілік полиция бөлімінің кезекші бөліміне Air Astana әуекомпаниясынан шақыру түсіп, «рейске қону кезінде мас күйде болған Карина Нәбиеваның тапсырылғаны» хабарланған.
«Стюардессалардың әрекеттерімен келіспей, ол не болып жатқанын телефонға түсіре бастады, осылайша қоғамдық резонанс туғызды», – делінген сот хабарламасында.
Нұсқаулыққа сәйкес, стюардессалар қызды мас күйдің «қызыл белгісіне» жатқызған, ал экипаж командирі оны ұшаққа отырғызбау жөнінде шешім қабылдаған. Сот Нәбиеваның іс-әрекетінде әкімшілік құқық бұзушылық құрамы бар деген қорытындыға келіп, оған 10 АЕК (36 920 теңге) мөлшерінде айыппұл салды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе