Алматыдағы жанар-жағармай бекетінің біріндегілер мұны бензин тасымалының кешігуімен түсіндіреді.
Бүгін, 5-қазанда Алматыдағы ең ірі деген жанар-жағармай бекеттерінің өзінде АИ-92 бензині болмады деп хабарлады Zakon.kz. Көп бекетте бұл маркадағы бензин тек талонмен ғана босатылып жатыр екен.
Айта кетелік, қыркүйекте Қазақстандағы бензиннің орташа бағасы бір литріне 150 теңге боп қымбаттап, өсім 11 процентті құрады.
Таяуда үкімет отырысында ҚР Энергетика министрі Қанат Бозымбаев жанар-жағармай нарығындағы бағаның қалай тұрақталатынын айтып беріп еді.
«Бұл арада Ресейден келетін бензиннің бағасы қалай белгіленеді, бәрі соған байланысты. Егер бұрынғыдай сыртқы деңгейде ір тоннасы 560 доллар болса, онда баға тіпті аздап арзандауы мүмкін, ал егер бағаны көтерсе, онда 20 процентке дейін өсім болады, – деді министр.
Соған қарағанда „Әліптің артын баққан„ көтерме саудагерлер АИ-92 бензинін нақты баға белгіленгенше босатуды түрлі себеппен доғара тұруды жөн көрген секілді. Басқа тағы не деуге болады?..