Қытайда Димаш Құдайбергеннің жанкүйері оның рок орындауындағы әнін пайдаланып, құмнан бейне тарту жасады.
Сұлулықтың символы іспетті бұл видео бір аптаға жетпейтін уақыт ішінде 5 миллионнан аса көрілді, деп хабарлайды Қытайдағы ҚазАқпарат тілшісі.
11-ақпанда видеоны тамашалағандар саны 5 млн 230 мыңға жеткен.
Еске сала кетсек, қазақстандық Димаш Құдайберген Қытайда «Singer» байқауына қатысып жатыр. Астана уақытымен 11 ақпан күні сағат 20.30-да Hunan.TV телеарнасынан байқаудың 4-кезеңі көрсетіледі. Бұл кезеңде Димаш Құдайберген қытай тіліндегі «Күзгі мұң» әнін акцентсіз айтып, үшінші орын иеленген болатын.
Байқаудың видеосын теледидардан көрген Қытайдың әйгілі кино актері Джеки Чан Димашпен кездесіп, өзінің эксклюзивті күртешесін сыйға тартып, соңғы “Kung Fu Yoga” кинокартинасындағы би қимылдарын үйретті.