Жапонияның Нагоя портында Оңтүстік Африкадан келген қызыл түсті құмырсқалар табылды. Олардың уы адам өлтіреді, деп хабарлайды NHK телеарнасы.
Қауіпті құмырсқалар Қытайдың Гуанчжоу портынан келген контейнердің ішінен шыққан. Оларды бірден пестицидтің көмегімен өлтіріп, зертханаға апарып көрсе – бұлар сол улы қызыл құмырсқаның өзі болып шығыпты.
Жапонияның қоршаған ортаны қорғау министрі жапондарға «байқап жүріңдер», деген ескерту жасады.
Өйткені қызыл құмырсқа бұған дейін де Қытайдан талай рет келген екен. Соңғы рет Кобе портында Қытайдан келген контейнерден табылған.
Қызыл құмырсқа – әлемдегі ең қауіпті құмырсқа. Негізінен Оңтүстік Америка елдерінде тіршілік етеді. Ол адамды шаққан кезде анафилактикалық шок болып, адам өліп кетуі мүмкін.