Абайлаңыз! Желтоқсанда қай күндер қауіпті
Желтоқсан айында магниттік дауылдар болуы мүмкін күндер аталды. Бұл күндері ауа райына тәуелді адамдар денсаулығына аса мән беруі керек.
Ресей ғылым академиясының ғарыштық зерттеулер институтының күн астрономиясы және гелиофизикалық аспаптар зертханасы мен Ресей ғылым академиясының Сібір бөлімшесінің күн-жер физикасы институтының мәліметтері бойынша 10, 11, 12, 13 және 19 желтоқсанда 4 балдық магниттік қозу болады. Бұл – күндегі жарқылдардың әсерінен пайда болатын жердің магнит өрісінің бұзылуы. Ол бірнеше сағаттан бірнеше күнге дейін созылуы мүмкін. Бұл тербелістер байланыс жүйесінің жұмысына, сондай-ақ барлық тірі ағзаларға, соның ішінде адам денсаулығына да жағымсыз әсер етеді.
Магнитті дауылдың әсерін азайту үшін мына ережелерді сақтаңыз:
- таза ауада жиі серуендеңіз;
- бұл күндері рационнан алкогольді сусындарды, кофе және майлы тамақты алып тастаңыз;
- көбірек демалуға тырысыңыз, ұйқыны қандырыңыз;
- қарама-қарсы (жылы-суық) душ қабылдаңыз;
- су режимін сақтаңыз;
- қандай да бір созылмалы ауруыңыз болса, дәрі-дәрмегіңізді жаныңызда ұстаңыз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе