Ресми орган өкілдері Алматы облысында 1 миллион 200 мың теңге көлемінде жалған ақша өткізбек болған 32 жастағы әйелді ұстады.
Бұл туралы Алматы облысы бойынша мемлекеттік кірістер департаментінің экономикалық тергеулер қызметі өкілі Жақсылық Мырзахан мәлім етті.
Алматы қаласындағы типографияны тергеу барысында компьютерлер, принтерлер және номиналы 1 мың, 2 мың және 10 мың теңге жалған ақшалай қаражатты шығаратын арнайы қағаз табылып, алынды. Алынған соманың жалпы көлемі 2,5 миллион теңге. Бұл факті бойынша сот алды тергеу ісі жүргізілуде.