“Абай оқулары” байқауының жеңімпаздары анықталды
Бүгін Елбасының кітапханасы «Абай оқулары» атты әлеуметтік желілердегі жыл сайынғы әдебиет байқауының нәтижелерін қорытындылады.
Еліміздің түрлі аймақтарынан қолдау тапқан жоба Мемлекет басшысының «Рухани жаңғыру» бағдарламасы аясында ұйымдастырылды деп хабарлады осы кітапхананың баспасөз қызметі.
«… Қоғамдық сананы жаңғырту бағдарламасын қолдау жолында Елбасы кітапханасы Абай мұрасын жастар арасында дәріптеу және олардың әдеби талғамын қалыптастыру, оқу мәдениетін ілгерілету мәселесін мықтап қолға алды. Осы орайда «Абай оқулары» ел азаматтарының бойындағы ұлттық рухты көтеріп, отансүйгіштік қасиеттер мен әлеуметтік, азаматтық жауапкершілікті арттыруға бағытталды», – деді Қазақстан Республикасының Тұңғыш Президенті – Елбасы кітапханасы директорының бірінші орынбасары Әмірхан Рахымжанов шараның ашылу салтанатында.
ІІ дәрежелі дипломмен Астана қаласы Қазақ ұлттық өнер университетінің ІІ-курс студенті Рауан Әбдуали марапатталды.
Үштікті Солтүстік Қазақстан облысы Ақбұлақ ауылындағы Чехов орта мектебінің 11-сынып оқушысы Виктория Вьюшкина мен Алматы облысы Қарасай ауданы Үшқоңыр ауылындағы орта мектеп-гимназиясының 8-сынып оқушысы Бағила Ниетуллаева түйіндеді.
Алматы облысы, Жамбыл ауданы Қайназар орта мектебінің оқушылары, апалы-сіңлілі Дариябай Әсел мен Аружан ынталандыру сыйлығы мен «ең жас қатысушы» номинациясын иеленді.
Ал Ноттингем университетінің ІІ-курс студенті Жанбота Дүйсебаева «Абай мұрасын әлемдік кеңістікте дәріптеу» номинациясының жүлдегері атанды.
Оларға тың кітап топтамалары мен бірегей естелік сыйлықтары тарту етілді. Шара барысында көпшілік назарына ұсынылған кітап көрмесінде Кітапхана қоры мен Елбасының жеке кітапханасындағы бірегей басылымдар берілді. Қонақтар Абай туындылары алғашқы аудармаларының түпнұсқаларымен танысты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе