Ақмола облысында екі әлеуметтік-спорт нысаны ашылды
Бүгін Ақмола облысының Аршалы ауданында ҚР Тәуелсіздігінің 25 жылдығы мерейтойына орай екі бірдей әлеуметтік-спорттық нысан ашылды.
Бұл туралы облыс әкімінің баспасөз қызметі хабарлады.
Ақмола облысындағы №1 Аршалы спорт мектебінің спорт залы мен аудандық жастар паркі «Самұрық-Қазына» ұлттық әл-ауқат қорының демеушілігімен қайта жөнделіп, тұрғындарға ұсынылып отыр.
Шара барысында жиналған аршалылықтар мен құрметті қонақтарға street workout бойынша әлем чемпионы Дияс Биджиев бастаған Bar Bars командасының мүшелері өздерінің өнерлерін көрсетті.
Ал №1 Аршалы спорт мектебінің спорттық залында «Астана» президенттік спорт клубының менеджері, еркін күрестен Олимпиада чемпионы, Қазақстанның еңбек сіңірген спорт шебері, жаттықтырушы Юрий Мельниченко балалар үшін арнайы жаттықтыру сабақтарын өткізді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе