Шымкентте 227 млн теңгенің алтынын Түркияға алып өтпек болған Өзбекстан азаматтары ұсталды

Шымкент әуежайында Өзбекстан азаматтары жүздеген млн теңгенің алтынын Түркияға алып бара жатқан жерінен ұсталды.

Бас көлік прокуратурасының мәліметінше, 2,8 келіге жуық алтынның құны – 227,8 млн теңге. Сот үкімі шыққанға дейін алтын мемлекет пайдасына тәркіленді.

«Алтынды кедендік бақылаудан жасыру үшін оның бөлшектерін шабадандардың түбіне және жүк қаптамаларына жасырған», – делінген хабарламада.

Күдіктілерге халықаралық іздеу жарияланды. Сотқа дейінгі тергеп-тексеру жүріп жатыр.