Түркістан облысында полицей тұрғынды интернет-алаяқтардың арбауынан құтқарып қалды
Түркістан облысының Сайрам ауданында учаскелік полиция инспекторы интернет-алаяқтардың құрбаны бола жаздаған тұрғынға көмектесті.
Оқиға Қарабұлақ ауылында болған. 41 жастағы жергілікті тұрғынға белгісіз адамдар қоңырау шалып, пошта арқылы тауар келгенін хабарлаған. Кейін олар SMS-хабарлама арқылы келген кодты айтуды сұраған.
Әйел кодты хабарлап қойғанымен, көп ұзамай қоңырау шалушылардың алаяқ болуы мүмкін екенін аңғарып, полицияға жүгінген.
Тұрғынның өтінішіне жедел әрекет еткен учаскелік полиция инспекторы Әділ Мамедалиев оған қажетті қауіпсіздік шараларын қабылдауға көмектесті. Атап айтқанда, банк шоттарын бұғаттау және оның атына жаңа несие рәсімделуіне жол бермеу үшін қандай әрекеттер жасау керектігін түсіндірді.
Полиция қызметкерлері азаматтарды сақ болуға шақырады. Белгісіз адамдарға SMS арқылы келген кодтарды, банк деректерін және жеке мәліметтерді айтуға болмайды. Күдік тудыратын қоңыраулар түскен жағдайда банкке немесе полицияға дереу хабарласқан жөн.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз