Қарағандыда хоккейші мұз айдынында көз жұмды
Матч басталмай жатып есінен танып құлаған ойыншыны аман алып қалу мүмкін болмады. Қарағанды қаласында өткен әуесқой хоккей матчында қайғылы оқиға тіркелді: ойыншылардың бірі мұз айдынында көз жұмды.
Қайғылы жағдай сенбі күні Түнгі әуесқой хоккей лигасы аясында ұйымдастырылған матч кезінде болған. Кездесу әлі басталмай жатып, салтанатты сапқа тұру сәтінде хоккейшілердің бірінің жағдайы кенеттен нашарлаған. Ол есінен танып, мұз үстіне құлап түскен.
Белгілі болғандай, марқұм 46 жастағы «СКА-Приозерск» командасының ойыншысы болған. Ол Ресей Федерациясының азаматы, Қарағандыға қызметтік іссапармен келген. Ұйымдастырушылардың мәліметінше, ол кәсіби спортшы емес, өзге қатысушылар секілді жұмыс күнінен кейін әуесқой деңгейде хоккей ойнаған.
Қарағанды облысының денсаулық сақтау басқармасы оқиғаны растады. Қазіргі таңда ер адамның қайтыс болу себептері нақтыланып жатыр, оқиғаның барлық мән-жайы анықталып жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе