Енді мобильді астық кептіргіштерді лизингке алуға болады

15 қантар, 9:35

Мобильді астық кептіргіштер шағын және орта шаруашылықтар үшін тиімді технологиялық шешім болып саналады. Бұл техника әртүрлі дақылдарды сапалы кептіруді қамтамасыз етіп, өнім шығынын азайтуға әрі оның сапасын сақтауға мүмкіндік береді. Пайдаланудың қарапайымдылығы, іске қосу-баптау және монтаж жұмыстарының талап етілмеуі мобильді астық кептіргіштерді қолдануға қолайлы етеді.

Астық кептіру қуаттарын жаңарту бағытында шаруаларды қолдау даму институттарының бірыңғай экожүйесі аясында жүзеге асырылады.

«Агролизинг» бағдарламасы аграрлық секторды қолдаудың негізгі құралдарының бірі есептеледі. Бағдарлама шаруаларға елеулі бастапқы шығындарсыз заманауи техника мен жабдыққа қол жеткізуге мүмкіндік беріп, қаржылық жүктемені ұзақ мерзімге бөлуге жағдай жасайды.

Бағдарлама шарттарына сәйкес лизинг аванстық төлеммен беріледі, оның мөлшері лизинг нысаны құнының 15%-ынан басталады, ал төлем мерзімі 7 жылға дейін белгіленген. Ұсынылып отырған лизинг шарттары шаруалардың нақты қажеттіліктеріне бағытталып, агроөнеркәсіптік кешенді кезең-кезеңімен жаңғыртуға арналған.

Мобильді астық кептіргіштерді лизингке алу жөніндегі өтінімдер «ҚазАгроҚаржы» АҚ-ның өңірлік филиалдарында қабылданады.

#астықкептіргіш #лизинг #қазагроқаржы