Әтеш төбелестірмек болған адамға айыппұл салынды
Шымкентте жергілікті тұрғын рұқсат құжаттарынсыз әтеш төбелесін өткізуге арналған алаң ұйымдастырған. Алайда ол құмар ойындарға адамдарды тартқаны үшін жауапқа тартылды. Сотта оған қатысты Қазақстан Республикасының Әкімшілік құқық бұзушылық туралы кодексіндегі «Құмар ойындарына қатысу, тарту немесе жол беру» бабы бойынша іс қаралды.
Сот мәліметінше, 2025 жылдың 15 маусымында Шымкент қаласында белгісіз орында, ешқандай рұқсатсыз, әтеш төбелесін өткізу үшін арнайы алаң жасақтаған. Оның кінәсі құқық бұзушылық хаттамасымен, куәгерлердің түсініктемесімен және оқиға орнындағы бейнежазбамен дәлелденді.
Сот барысында өз кінәсін толық мойындап, заң талаптарын білмегенін, енді мұндай заңсыз әрекеттерді қайталамайтынын айтып, қатаң жаза қолданбауды сұраған. Сот оны кінәлі деп танып, оған 550 480 теңге көлемінде айыппұл салды. Сонымен қатар ойын құралдары, ақша, заттар және басқа да заттар тәркіленетін болды.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз