Тәртіп сақшылары Көбейтұз маңын қайта күзете бастады

Жұрт Көбейтұздан тұз бен балшықты тасып әкетіп жатқандықтан, полиция көл маңын қайта күзете бастаған. Желіде Ақмола облысындағы әйгілі қызғылт көлдің жағасынан түсірілген видео тарады. Полиция қызметкерлері демалушыларға көлден балшық пен тұзды алып кетуге, жағада қоқыс қалдыруға болмайтынын түсіндіруде.

Ерейментау қаласы іргесіндегі Көбейтұз көлі шетелдіктерге де танымал. Сирек кездесетін балдырлардың әсерінен көлдің түсі ерекше қызғылт түске енеді. Алайда бұл құбылыс бірнеше жылда бір рет қайталанады.