Қаскелеңде әкімдік қызметкері болып көрінген алаяқ 110 млн теңге жымқырған
Алматы облысында өзін әкімдік қызметкері ретінде таныстырған Қаскелең тұрғыны ірі көлемде алаяқтық жасағаны үшін сотталды.
47 жастағы ер адам «пәтер алып беремін» деп 47 адамнан ақша алған. Ол әлеуметтік аз қамтылған отбасыларға мемлекеттік ипотека бағдарламасы арқылы тұрғын үй рәсімдеуге уәде еткен. Пәтерді арзан пайызбен, қысқа мерзімде алып беретінін айтып, сенімге кірген.
Нәтижесінде жәбірленушілер оған жалпы 110 миллион теңге берген. Тергеу барысында оның жоғары білімі болса да, ресми түрде еш жерде жұмыс істемегені анықталды. Пәтер уәде етілген мерзімде берілмеген соң жәбірленушілер полицияға жүгінген.
Сот оны кінәлі деп тауып, 4 жыл 8 айға бас бостандығынан айырды. Сонымен қатар, ол жәбірленушілерге 75 миллион теңге қайтарып, сот шығындарын өтеуге міндеттелді.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз