Мемлекет басшысы Қасым-Жомарт Тоқаев бұқаралық спортты дамыту мен салалық білім беруді қолдау – ұлт денсаулығы мен табысты спорт болашағының негізі екенін бірнеше рет айтқан болатын. Себебі спорттағы жетістік – бала күннен басталатын жүйелі жаттығу мен кәсіби білімнің жемісі. Осы тұрғыда еліміздегі арнайы спорт мектептері болашақ чемпиондардың алғашқы баспалдағына айналып отыр.
Спорт мектебінің түлектері: жаңа серпін, жаңа мүмкіндік
Бүгінгі таңда Қазақстанда олимпиадалық резервті дайындайтын 19 мамандандырылған мектеп-интернат-колледж жұмыс істейді. Оның 5-еуі – республикалық, 14-і – өңірлік деңгейде. 2024–2025 оқу жылының қорытындысы бойынша бұл оқу орындарын 1200-ден астам жас спортшы аяқтап, ұлттық құрама сапына қосылуға дайын.
- 490 түлек – республикалық деңгейдегі оқу ордаларынан
- 730-дан астамы – өңірлік спорт мекемелерінен түлеп ұшты
Республикалық оқу орындары ішінде ең көп түлек бергендер қатарында:
- Алматыдағы Республикалық олимпиадалық резерв мектебі – 129 түлек
- К. Ахметов атындағы мектеп – 124 түлек
- Қ. Мұңайтпасов атындағы мектеп – 99 түлек
- Республикалық спорт колледжі – 93 түлек
- Риддер қаласындағы мектеп – 45 түлек
Бұл көрсеткіштер елімізде спорт резервін даярлау ісінің жүйелі түрде дамып келе жатқанын дәлелдейді. Қазақстан спорт саласындағы табысты болашағына алғашқы қадамды білім беру мен кәсіби даярлықтан бастап, сенімді инвестиция жасауды жалғастыруда.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз