Қызылордада «Qnet» қаржы пирамидасын ұйымдастырғандар 7 жылға сотталды
Қызылордада «Qnet» қаржы пирамидасын құрып, басқарғандар 6 және 7 жыл мерзімге бас бостандығынан айырылды. Тергеу нәтижесінде олардың азаматтарды жалған саяхат карталары мен зергерлік бұйымдарға қаржы құюға шақырғаны анықталды. 51 адам барлығы 63 миллион теңгеден астам қаражат салған.
Қаржы мониторингі агенттігінің Қызылорда облысы бойынша департаменті бұл іске қатысты тергеу жүргізді. Күдіктілер көп деңгейлі маркетинг желісі мен электронды саудаға ақша салуға, соның ішінде «QVI tripsaver» деп аталатын жалған саяхат карталарын және зергерлік бұйымдарды сатып алуға адамдарды үгіттеген.
Сот үкімі бойынша ұйымдастырушылар кінәлі деп танылып, әрқайсысы 6 жылдан 7 жылға дейін бас бостандығынан айырылды. Сонымен қатар Астана қаласындағы 301 миллион теңге тұратын 7 пәтер мен «Toyota Camry» көлігі тәркіленді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе