230 млн теңгені иемденген алаяқ Қырғызстаннан экстрадицияланды
Қазақстанда аса ірі көлемде алаяқтық жасаған күдікті Қырғызстаннан экстрадицияланып, уақытша ұстау изоляторына қамалды.
Бас прокуратураның мәліметінше, 2023 жылдың маусымында күдікті Алматы қаласындағы банктердің бірінде бірнеше клиенттің банктік шоттарына қол жеткізу үшін олардың абоненттік нөмірлерін өзгерту туралы өтініштер жіберген. Осылайша, ол 5 жәбірленушінің шоттарынан дропперлердің есепшоттарына ақша аударып, 230 миллион теңгеден астам қаржыны иемденген.
Күдікті қашып жүріп, 2025 жылдың қаңтарында Бішкек әуежайында ұсталды. Қазақстанның сұранысы бойынша елге қайтарылып, тергеу изоляторына қамалды.
Айта кетейік, бұл қылмыс үшін 5 жылдан 10 жылға дейін бас бостандығынан айыру және мүлкін тәркілеу жазасы қарастырылған.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз