Қазақстанда пәтерін жалға берушілер табысынан 10% салық төлеуі тиіс
Қазақстанда пәтерін жалға беретін азаматтар өз табыстарынан салық төлеп, декларация тапсыруға міндетті. Жалдамалы баспана иелері жалға беруден түскен кірістері үшін 10% мөлшерінде салық төлеуі керек. Мысалы, егер азамат ай сайын пәтерін 200 мың теңгеге жалға берсе, оның жылдық табысы 2 400 000 теңгені құрайды. Осы сомадан 10% – яғни 240 мың теңге – мемлекетке салық ретінде төленуі қажет.
Мемлекеттік кірістер комитетінің мәліметінше, тұрғын үйді жалға беру – кәсіптің бір түрі, сондықтан азаматтар заң аясында әрекет етіп, табыстарынан салық төлеуге тиіс. Алайда, бұл қызметті заңдастыру үшін жеке кәсіпкер ретінде тіркелу міндетті емес. Сонымен қатар, жалға берушілер жыл сайын келесі жылдың 15 қыркүйегіне дейін мүлік және жалға беруден түскен кіріс туралы декларация тапсыруы қажет.
Айта кету керек, 10%-дық мөлшерлемеге зейнетақы жарналары, әлеуметтік төлемдер және медициналық сақтандыру жарналары кірмейді. Бұл талап қоғамда әртүрлі пікір тудырып отыр: кейбірі оны дұрыс шешім деп санаса, енді бірі бұл жалға берілетін пәтер бағасының қымбаттауына алып келеді деп алаңдаулы.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз