АҚШ-тағы алапат өрттен атақты актриса тірідей жанып кетті
АҚШ-тың Лос-Анджелес қаласында болып жатқан өрттен Голливудтың атақты актрисасы Дэйлис Карри қаза болды. 95 жастағы актриса Лос-Анджелестегі өз үйінде өртке оранып, тірідей жанып кетті. Марқұмның сүйегі өрттен кейін бірнеше күннен соң табылды.
Дэйлис Карри өзінің соңғы күнін ауруханада өткізді, содан кейін немересі Келли актрисаны үйіне алып кетті. Түнде Келли әжесінің үйінде электр қуатын сөніп қалғаны жөнінде хабарлама алған. Үй жағына келген кезде ол баспана Eaton Fire деп аталатын әйгілі өрттен толық жанып кеткенін көрген. Оқиға орнында актрисаның көк Cadillac көлігі ғана сақталған.
Актриса «Он өсиет», «Ағайынды блюз», «Леди блюз әнін айтады» және басқа да фильмдерде ойнаған.
Айта кетейік, 7 қаңтарда Лос-Анджелес аймағында басталған орман өрттері штат тарихындағы ең ірі өрт болып саналады. Жергілікті биліктің мәліметінше, өрттің жалпы ауданы 16 мың гектардан асты. Кемінде 24 адам қаза тауып, 12 300-ден астам ғимарат, оның ішінде атақты адамдардың үйлері жермен жексен болды. Метеорологтар өрттің тез таралуына құрғақ және желді ауа райы себеп болғанын айтады.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз