Шанхай әуежайында қызметкерден ковид анықталып, мыңдаған адамды ғимарат ішіне қамап тастады
Шанхайдағы Пудон әуежайында жүк терминалының қызметкерінен коронавирус анықталғаннан кейін мыңдаған адам ғимарат ішіне қамалды.
Әуе айлағының басшылығы барлық кіру және шығу жолын жауып, жұмысшылар мен жолаушыларды тестілеуге жіберу туралы шешім қабылдады.
Әлеуметтік желілерде жарияланған кадрлардан обаға қарсы костюмдердегі дәрігерлер наразы топты қалай ұстап, автотұраққа адамдарды жинап, тест алуға тырысқаны көрінеді.
Жолаушылардың бір бөлігі дәрігерлер мен қызметкерлердің кордоны арқылы өтіп, ғимараттан шыға алды.
Нанхуэй ауруханасының медбикесінен де коронавирус анықталды. Медициналық мекеме карантинге жабылды, барлық медициналық қызметкерлер тестілеуден өтті. Вирус жұқтырған аймақ та жабылды. Сонымен қатар, Шанхайдың Оңтүстік теміржол вокзалының жабылғаны туралы хабарламалар келіп түсуде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе