Коронавирусқа қарсы қытайлық вакцинаны сынаудың үшінші кезеңі басталды
Қытайлық Sinopec компаниясының вакцинасы COVID-19 вирусының түрлі штаммын тани алады, араға 2-4 апта салып, екі инъекция жасалады деп күтілуде. Оның сынақтарының үшінші кезеңі басталды. Оны салғаннан кейін иммунитет алты ай бойы сақталады деген ақпарат расталуы мүмкін.
Препарат қаңтардан бастап әзірленді. Клиникалық зерттеулердің үшінші кезеңіне кәмілетке толған Бразилия, Түркия және Индонезияның азаматтары қатысады.
«Біз вакцинадан кейін пайда болған антиденелер вирустың барлық штаммын анықтай алатынын білдік, сондықтан вакцина ұқсас штамдардан қорғай алмауы мүмкін деп алаңдаудың еш себебі жоқ».
Ол сынақтардың алғашқы екі кезеңіне мыңнан астам ерікті қатысқанын айтты. Олардың 1-3%-ының ғана температурасы 37 градусқа дейін көтерілген, бірақ 39 градустан жоғары көтерілмеген. Вэйдун бұл көрсеткішті өте жақсы деп атады.
«ДДҰ стандарттары бойынша, қорғау коэффициенті 50%-дан жоғары болса вакцина тиімді деп саналады, бұл ең төменгі көрсеткіш. Біздің вакцинаның қандай коэффициенті бар екенін әлі білмейміз, ол сынақтың үшінші кезеңі аяқталғаннан кейін белгілі болады… Мен одан жоғары болатынына сенімдімін», — деді компания басшысы.
Оның пікірінше, вакцина жыл соңында қолжетімді болады. Бірақ мұның бәрі соңғы сынақтың нәтижесііне байланысты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе