Сарапшылар Келімбетовтың тағайындалуына қатысты өз бағасын берді

Саясаттанушы Ғазиз Әбішев кандидатураны таңдауда маңызды фактор Келімбетовтың бэкграунды  болды деп санайды:

«Келімбетовтің жағында аппараттық салмақ бар екенін ескеруіміз керек. Әр уақытта ол экономика жөніндегі вице-премьер, ПӘ мен «Самұрық-Қазына» басшысы, ҚР Ұлттық Банкінің Төрағасы, АХҚО басқарушысы болған. Елде мұндай кең макроэкономикалық бэкграунды бар шенеуніктер көп емес шығар».

Өз ойымен танымал саясаттанушы Данияр Әшімбаев та бөлісті.

«Келімбетовтың саяси және аппараттық тәжірибесі бар. Оның  командасын және әкімшілік құрылымды жаңадан  құру мүмкіндігін оның күшті жағына жатқызуға болады. Ол саяси шешім қабылданғаннан кейін сыни көзқарас білдірмейтін командалық ойыншы. Болашақ СЖРжА сияқты құрылымды құру және басқаруда (кем дегенде бастапқы жоспарда) оның пайдалы болары сөзсіз».

Публицист және саяси шолушы Никита Шаталов өзінің Telegram каналында СЖРжА төрағасын тағайындау туралы былай деп жазады:

«Келімбетовтың тағайындалуы – бұл агенттікке үлкен зияткерлік және жан-жақтылық беру әрекеті, өйткені осы ескі-жаңа органның басшысы Қазақстан экономикасын және оның су астындағы ағымдарын жақсы біледі, ал ол соңғы бес жылда АХҚО-да пайда болған халықаралық байланыстар мен жаңа практикалардың арқасында қатты шыңдалды. Сонымен қатар, ол «көлеңкелі премьер» картасын ойнайтындардың бірі емес.

Қайрат Нематұлы әр жылдары қаржы бірінші вице-министрі, Экономика және бюджеттік жоспарлау министрі, «Қазына» орнықты даму қоры» АҚ Басқарма Төрағасы, президент әкімшілігінің басшысы, «Самұрық-Қазына» ұлттық әл-ауқат қоры» АҚ Басқарма төрағасы, премьер-министрдің орынбасары және Ұлттық Банк басшысы қызметтерін атқарды, ал 1999-2001 жылдары СЖРА-ға ұқсас Стратегиялық жоспарлау жөніндегі агенттік құрылымының төрағасы болды.