COVID-19 жұқтырғандардың саны едәуір азайды

Бір жарым айда алғаш рет республиканың бір аймағында бір тәулікте инфекцияның бірде-бір жаңа жағдайы анықталған жоқ. Бұл Ақтөбе облысы. Атап айтқанда, бұл жағдай аймақта 2020 жылдың 8 маусымынан бастап алғаш рет  орын алды. Аймақта 14 шілде күні бірден 196 факті анықталды, бұл ең жоғары көрсеткіш еді.

Анықталған фактілердің жалпы саны бойынша Қазақстан өңірлері арасында Алматы көш бастап тұр – 12 286 адам вирус жұқтырған. Одан әрі Нұр-сұлтан (11704), Атырау (10 348) және Қарағанды (8806) облыстары орналасқан. Ақмола (2757), Түркістан (2835) және Қостанай (2796) облыстарында анықталған фактілердің саны төөмен.

Жаппай ауруханадан шығарылды

Бір қызығы, анықталған вирус жұқтырғандар саны ең төменгі деңгейде болған күні шығарылған пациенттердің саны да күрт төмендеді: барлығы 652 жағдай, бұл соңғы 8 күндегі ең төменгі көрсеткіш. Осылайша, COVID-19-дан ауырып жазылған науқастардың күнделікті өсуі (1,1%) жаңа жұқтырғандардың өсімінен (1,2%) төмен болды.

Павлодар облысында науқастарды жаппай ауруханадан шығармаса,  емделіп шыққандарға қатысты статистика нашар болуы мүмкін еді. 1 тамызда аймақта емделгендер саны 501 адамға, 2 тамызда тағы 356 адамға көбейді. Сонымен қатар, алдыңғы 2 аптада күн сайын орта есеппен 13 адам шығарылды. Алайда, аймақтар үшін бұл жағдай жаңалық емес:

• Жамбыл облысында 2 күнде (30 және 31 шілде) ауырып жазылған адамдардың саны 948 адамға немесе 65%-ға жуық
• Қостанай облысы— 28 шілдеде 661 адам шығарылды. Бір тәуліктің ішінде өңірде ауырып жазылған адамдардың саны бір жарым есеге артты
• Алматы облысы — 27-28 шілдеде 585 адам (+20%)

Алайда кері тенденциялар да бар. Алматы облысында емделіп шыққандардың саны 4 күннен бері өзгерген жоқ. Солтүстік Қазақстан облысында – 3 күн, ал Жамбыл облысында 2 күнде 1 адам шығарылды.

Белсенді науқастардың саны 30 мыңға жуық

Белсенді жұқтырғандардың саны (емделіп шықпаған және қайтыс болмаған) бүгінгі күні 29 358 адамды құрайды. Қазақстанның ірі қаласы Алматыда мұндай  5,1 мыңнан астам адам бар. Яғни, дәл қазір коронавирусты жұқтырған әрбір бесінші қазақстандық Алматыда тұрады. Нұр-сұлтан, Атырау және Қарағанды облыстарында 3 мыңнан астам әлі де вирусты жеңіп шыққан жоқ.

Бұл ретте 6 өңірде (Алматы, Нұр-сұлтан, Ақтөбе, Солтүстік Қазақстан, Шығыс Қазақстан және Қызылорда облыстарында) белсенді жұқтырғандар саны шілде айының басынан бастап ең жоғары деңгейде.