Қазақстанда жасалған шұлықтың жыры…
Екі күн бұрын Магнумнан аттай қалап, отандық тауар сатып алғанмын. Тауар болғанда да жай нәски.
Бар тауарың сол болса, өз елімдікі деп тұтынасың ғой, енді. Шынымен де, біздің бұрын тұтынып жүрген түріктің, германның, корейдің, моңғолдың нәскилеріне мүлде ұқсамайды екен.
Отандық болған соң солай шығар. Ұқсамайтыны былай: Өте тез киілетіні секілді тым тез шешіледі. Бір сыңары аяқ киімнің ішінде жүргенде өзінен өзі шешіліп қалады. Екіншісі, үйге келіп, етігіңді шешсең қоса сыпырылып аяқ киімнің ішінде қалып қояды.
Біздің тауар өндірушілер өз тұтынушыларының менталитетін білген және онымен жіті санасқан. Басты ерекшелігі – өзгенің нәскиі адамның аяғын ұстап тұрса, біздікі аяқты көрсе қашатыны, сыпырылып түсіп қала беретіні ыңғайсыздау екен.
Қуандық Шамахайұлы
Фейсбуктегі парақшасынан
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе