Индонезияда жолаушылар ұшағы апатқа ұшырады

Басылым таратқан ақпаратқа сәйкес, жергілікті уақытпен ұшақ таңғы 6:20-да жоғарыға көтерілген. Алайда 13 минуттан соң ол радардан жоғалып, онымен байланыс үзілген.

Индонезиялық құтқарушылардың мәліметінше, ел астанасы Джакартадан Панкалпинанг қаласына бағыт алған Boeing 737 MAX 8 теңізге құлаған.

Ұшақ бортында қанша экипаж мүшесі мен жолаушының отырғаны, әрі апаттың неден болғаны туралы әзірше нақты ақпарат жоқ.