Жыныстық қатынастан бас тартқаны үшін әйелін өлтірген адам сотталды
Тәжікстан оңтүстігінде Хамадони аудандық соты жергілікті тұрғын Фаррух Халифаевты әйелі Арус Раззокованы айуандықпен өлтіргені үшін, 11 жылға бас бостандығынан айырды.
Марқұмның туыстары сот үкімімен келіспейді, одан да қатаң жаза беру керек деп есептейді.
Фаррух Халифаев 18 шілдеде Ресейден оралған күннің ертесінде әйелін өлтірген. Сол күні ерлі-зайыпты арасында жанжал шыққан. Фаррух Халифаев әйелін “көзіме шөп салдың” деп айыптаған.
Бірақ сот барысында айыпты әйелі жыныстық қатынастан бас тартқаны үшін өлтіргенін мойындаған.
Марқұм Арустың сіңлісі Нигина Раззокова сол күні әпкесінің үйіне қонған екен. “Сол күні кешкісін әпкемнің үйінде қонақта болғам.
Бірақ әпкем “үйде қонақтар бар” деп бас тартты. Фаррух оны жұдырығымен ұрды. Әпкем есінен танып қалды. Жездем сосын ішіне пышақ салған. Біз жатын бөлмеге кіргенде, әпкем қансырап жатты”, – дейді Нигина Раззокова.
Ол сот үкімі тым жеңіл деп есептейді. “Біз сот шешіміне қарсы шағымданамыз, адам өлтірушіге қатаң жаза сұраймыз”, – деді ол.
Фаррух Халифаев 42 жаста. Соңғы жылдары Ресейде жұмыс істеген. Төрт баласы бар.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе