“Сене алар емеспіз”. Мәскеуде мұғалімін пышақтады деген жігіт жайлы ұстаздары айтып берді

Байқоңырдағы мектептегілер Мәскеуде мұғаліміне пышақпен шабуылдады деп айыпталып жатқан Жасұлан Құдайбергенов жайлы айтып берді.

Бұл туралы Tengrinews.kz хабарлады.

Ер адам Н. Э. Бауман атындағы Мәскеу мемлекеттік техникалық университетінің оқытушысына шабуылдады деген күдікпен қамауға алынған. Мектеп әкімшілігі өз түлегі жайлы тек жақсы қырынан сипаттап отыр. Айтуларынша, жігіт өте ақылды әрі ресейлік беделді жоғары оқу орнына өз білімімен түскен.

“Әлі күнге таңғалып отырмыз. Жасұлан Құдайбергеновті жақсы білемін әрі мұндай қадамға барады дегенге сенбеймін. Өте байсалды, адекват еді. Жақсы отбасыдан шыққан, шешесі перзентханада жұмыс істейді, үйінде тағы алты бала бар. Мұнда ол “4” пен “5”-ке оқыды, тәрбиелі еді. Ең ақылды бала. Бізге профессорлар келіп, олимпиада ұйымдастырады. Барлығы мұнда “Бауманкаға” (Н. Э. Бауман атындағы Мәскеу мемлекеттік техникалық университеті) түсу үшін дайындалады, түсе алмай қалатындары да баршылық. Ол өз білімімен түсті. Әлі күнге мұндай қадамға барды дегенге сене алар емеспіз”, – дейді Байқоңыр қаласындағы В.Н.Челомей атындағы халықаралық ғарыш мектебінің әкімшілігіндегілер.