Нұрлан Нығматулин Астананың жиырма жылдық мерейтойымен құттықтады
Парламент Мәжілісінің төрағасы Нұрлан Нығматулин Астананың жиырма жылдық мерейтойымен құттықтады.
«Алтыншы шақырылған Парламент өзінің үшінші сессиясын ерекше кезеңде аяқтап отыр. Енді бірнеше күннен кейін мемлекетіміздің жүрегі елордамыз Астананың жиырма жылдық мерейтойы аталып өтеді. Қазақ халқымызда «кемеге мінген теңізге шығады» деген қанатты сөз бар.
Осы айтылғандай 20 жыл бұрын Елбасы Нұрсұлтан Назарбаевтың депутаттар алдында жариялаған тарихи идеясы бүгінде барша қазақстандықтардың мақтанышы болып отыр.
Бүгін Астана – Елбасының ерен ерлігі, бүгін Астана – Елбасының тарихи жеңісі, бүгін Астана – Елбасының орындалған арманы.
Сондықтан құрметті депутаттар, құрметті бүгінгі жиынға қатысушылар баршаңызды елордамыз Астананың мерейлі мерекесімен шын жүректен құттықтауға рұқсат етіңіздер», – деді Нығматулин.
Еске сала кетсек, бүгін ҚР Парламенті Палаталарының 2018 жылғы 29 маусымдағы бірлескен отырысында алтыншы сайланған ҚР Парламенті үшінші сессиясы жабылып, депутаттар каникулға шыққанын хабарлаған болатынбыз.
Дерек көз:Baq.kz.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе