2015 жылы бес жылға бас бостандығынан айырылған Гүлнәр Кәрімованың Швейцариядағы адвокаты Ташкентке келу сапары кезінде бірталай шындықты жұртқа жария етті.
Бұл туралы «ca-news.org» агенттігіне сілтеме жасап, The Qazaq Times хабарлады.
Швейцариялық «Mangeat Attorneys at Law» адвокаттық конторының негізін салушы заңгер Грегуар Манжа осы сапарында Өзбекстанның бұрынғы президенті Ислам Кәрімовтың қызы Гүлнәр Кәрімовамен кездесуі мүмкін.
https://kaz.365info.kz/al-kerek-bolsa-g-ln-r-karimovany-jine-tintu-zhasa-an-sheneunik-keden-komitetini-tizginin-stady-242346
Манжа Каримованы «оның ісіндегі шикіліктер» шаршатқанын әрі алғашқы екі жарым жылы өте ауыр өткенін, сондықтан да қазіргі уақытта денсаулығы нашарлап, дәрілік препараттар қабылдап жатқан Гүлнәрға тек президент Мирзияев қана көмектесе алатынын айтқан.
Еске салайық, 2017 жылдың шілде айында Өзбекстанның Бас Прокуратурасы Кәрімованың қылмыстық ісі туралы толық мәлімет жариялаған еді. Осы мәлімдемелерге қарағанда, 2015 жылы Кәрімова бопсалау, мемлекеттік қаржыны орынсыз жұмсау, салықтан жалтару сияқты көптеген айыптаулармен бес жылға бас бостандығыан айырылған еді.
https://kaz.365info.kz/ash-ynda-y-zbek-oppozitsioneri-ajt-anym-ajdaj-keldi-k-rimov-ta-ynda-ldi-223239
Тағы да ресми мәлімдемелерге сәйкес, оған қарсы өзгелердің мүліктерін иемдену, кеден заңын, сауда қағидаларын бұзу, шетелдік валюталарды жасыру, кірістерді заңдастыру және жалған құжат әзірлеу сынды көптеген іс қозғалған. Ал, швейцариялық адвокатының кеше жасаған мәлімдемесіне сәйкес, Каримова бұл айыптаулардың ешқайсысымен келіспейді.
https://kaz.365info.kz/kim-ajtyp-zhyr-ony-elbasy-khazakhstannyn-kharyzy-kop-degenderge-zhauap-berdi-video-319177