Адам қаққан көліктің ішінде болған Өскемен әкімінен жауап алынды
Қуат Тұмабаев, қылмыс жасалған жерден не үшін бой тасалағанын түсіндіріп берді.
Бұл туралы КТК арнасы хабарлайды.
Сөзіне сенсек, ол марқұм Евгений Смольниковқа жедел-жәрдем шақырту үшін машинаға мініп жолға шыққан. Сол сәтте оны алысқа ұзатпай тәртіп сақшылары ұстап алған. Шенеуніктің тек куәгер есебінде сұралғанын айта кетейік. Ол әкімшілік жауапқа тартылып үлгерді. Және тәртіптік кеңес Тұмабаевты мүлдем қызметіне сәйкес келмейді деп сырттай шешім шығарған.
Ал, адам қағып өлтірді деп айыпталған Бауыржан Құрманбаевқа қатысты сот үкімі ертең шығады деп күтілуде. Оның жазасыз қалуы да ғажап емес. Өйткені 19 жастағы бозбаланың әкесі Виктор Смольников кінәліге кешірім берген. Ол бұл шешімін науқас әкесі бар шенеунікке аяушылық таныттым деп түсіндіреді.
Еске салсақ, қайғылы оқиға 15-ші сәуірде болған. Араққа сылқия тойған Ридер қаласы әкімінің орынбасары «BMW Х5-пен» жол жиегіндегі жаяу жүргіншіні жаншып өткен. Евгений Смольников сол жерде тілге келместен көз жұмған еді.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз