Ресей Байқоңыр ғарыш айлағының бір бөлігін Қазақстанға қайтарады
Сонымен Қазақстан Байқоңыр ғарыш айлағындағы «Зенит» зымырандарын ұшыруға арналған инфрақұрылымды көршіміз Ресейден толықтай қабылдап алды.
Әйткенмен де құжаттарды рәсімдеу әлі толық аяқталған жоқ және де мемлекетаралық деңгейде мақұлдануды қажет етеді. Бұл туралы ҚР Қорғаныс және аэроғарыш өнеркәсібі министрлігінің комитет төрағасының міндетін атқарушы Баубек Оралмағамбетов айтып өтті.
Кешенді Ресейдің жалға алуынан Қазақстанның пайдалануына өткізу туралы шешім 2016 жылы қабылданған болатын. Ал өткізу жұмыстары 2018 жылдың 1 наурызында басталған еді.
Жалпы Ресей жалға алған № 45 алаңындағы мәре кешені екі іске қосу құрылғысымен (іс жүзіндегі және біреуі істен шыққан), № 42 алаңдағы техникалық кешен монтажды-сынақтан өткізу корпусымен бірге және өлшеу пункті Қазақстанға қайтарылуы тиіс.
Қазіргі таңда Қазақстан тарабы 42, 43 және 45-алаңдағы 212 нысанды қабылдап алды. Осылайша, Жалпы алғанда Қазақстан «Зенит-М» зымыран кешеніндегі 243 жер бетіндегі ғарыш инфрақұрылым нысанын қабылдады.
Қазіргі таңда Ресей Байқоңыр қаласы мен ғарыш айлағын жалға алып отыр. Жалға алынған жердің жалпы көлемі – 6 717 шаршы шақырым.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе