Германияда 29 жастағы тунистік азаматтың пәтерінен рицин табылған. Оның мөлшері 2 мың адамды уландыруға жетеді екен.
Ғаламторда осы уды сатып алғанын неміс әріптестеріне АҚШ-тың арнайы қызметтері айтқан деп хабарлады Хабар-24.
Күдікті Германияға осыдан екі жыл бұрын көшіп келген. Әйелі және төрт баласымен бірге Кёльндегі көпқабатты үйлердің бірінде тұрған. Германияда биологиялық қаруды қолдану әрекеті алғаш рет тіркеліп отыр. Полиция күдікті биологиялық қару жасауды қайдан үйренгенін және сыбайластарының бар-жоғын тергеп жатыр.