Пәтер жалдап тұратын жол полициясы қызметкерлеріне өтемақы берілмек
Қазақстанда 35 мың полиция қызметкері баспанаға мұқтаж.
Бұл туралы бүгін халықпен есептік кездесу өткізген ҚР Ішкі істер министрі Қалмұханбет Қасымов айтты, деп хабарлайды ҚазАқпарат.
«Бізде 35 мың полиция қызметкері баспанаға мұқтаж. Бүгінгі күні бұл санатта 5 мыңнан астам қызметкерге пәтер жалдауға қаражат бөліп отырмыз. Бірінші кезеңде жедел тергеу қызметтерін қамтамасыз еттік. Барлық тергеушілерді, жедел уәкілдерді, яғни, криминалдық полицияны, режімдік бөлімдерді қамтыдық. Оларға қазір өтемақы береміз.
Бүгінде Үкіметпен пәтер жалдау төлемақысы тізіміне учаскелік және жол-шолғыншы қызметтерді қосу бағытында жұмыс істеп жатырмыз. Ақша бөлінгеніне қарай басқа да қызметтерді біртіндеп аталған тізімге қосатын боламыз», – деді Қалмұханбет Қасымов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе