Павлодар облысында қаршадай қызды зорламақ болған азғынның әрекеті камераға түсіп қалды (видео)
Павлодар облысында 12 жасар қызға азғындық жасамақ болған ер адам құрықталды. 39 жастағы күдікті оқушыны лифт ішінде зорлауға әрекеттенген.
Оқиға тапа-тал түсте Екібастұз шаһарындағы тұрғын үйлердің бірінде болған. Ондағы бейнебақылау камерасына түсіп қалған мына кадрларда мектептен қайтып келе жатқан оқушы қыздың дүкенге кіргені байқалады. Жеткіншекті аңдыған күдікті де осында тайраңдап жүр. Кейін үйіне қарай бет алған оқушының соңынан подъезге бірге еріп кірген.
“Кәмелетке толмағанға қатысты азғындық әрекет жасауға оқталған деген күдікпен 39 жасар ер адам анықталып ұсталынды. Қазіргі кезде осы факт бойынша қылмыстық іс қозғалып, сотқа дейінгі тергеу жалғасуда. Сот сараптамалары тағайындалды. Ал күдікті уақытша қамау изоляторға қамауға алынды”,- дейді Павлодар облысы ІІД баспасөз хатшысы Баян Мағзұмова
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе