“Әкем анамды ұрмаса екен”. Бір қазақтың баласы жазған тілек хат жұртты жылатты
Әлеуметтік желілерде Аққали есімді баланың тілек хаты түсірілген сурет таралып жатыр, – деп хабарлайды Tengrinews.kz. Бала хатында әкем анасын ұрмаса екен деген тілек айтады.
“(…) Өзіміздің үйіміз болса екен. Әкем тез жұмысқа орналасса екен. Анам тез айлық алса екен. Мен бесінші сыныпқа өтсем екен. Әпкем тесттен жүз балл алып, тех мектепті бітірсе екен. Әлемдегі ең бақытты отбасы болып кетейік. Анамның құрсағындағы сәби тәуір болып дүниеге келсе екен”, – деп тілек жазылған таралған хатта.
Желі қолданушылары оның тілегіне тәнті болып, бірі жаны ашығанын жазса, екіншісі көмек қолын созуға даяр екенін айтыпты.
“Аққали отбасын ортаға алып. Рух беріп, көмек беріп атсалысу керек, қалай ойлайсыздар, оның күтіп отырған көмегі біз сияқты көзі ашық, жүрегі ашық адамдар аркылы жетістікке жетеді. Ат салысайық халайық!”, “Ойлаған арман мақсатың,тілегің қабыл болсын!!!”, “Тілегің қабыл болсын сенің кішкентай жүрегіңнен шыққан Тілегіңе тілектеспін жаным, амин дейік” деп пікір қалдырған қолданушылар.
Пікір жазғандардың бірі бүгін, 15 мамыр – Халықаралық отбасы күні екенін еске салды.
https://kaz.365info.kz/ykimet-ne-kharap-zhyr-yjsiz-khalgan-kharshadaj-khyz-khan-zhylady-258965
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе