“Ұят болды-ау”. Нью-Йоркте Данияр Елеусіновтен қазақша сөйлеуін сұрады (видео)

Олимпиада чемпионы Данияр Елеусінов Нью-Йоркте өткен баспасөз мәслихатына қатысты. 28 сәуір күні ол кәсіби бокстағы алғашқы жекпе-жегін өткізеді.

Бұл туралы Stan.kz хабарлады.

Баспасөз мәслихатын Данияр Елеусіновтің промоутері Эдди Хирн жүргізді. Ол алдымен қазақстандық боксшыны таныстырды. Одан кейін қазақстандық боксшыға сөз берді. Елеусінов өз ризашылығын ағылшын тілінде жеткізді. Эдди Хирн болса, тағы қазақша тілек білдіруді өтінді. Осы кезде Данияр сәл сасып қалып, орысша сөйлей бастады. Бірақ жанында тұрған аудармашы оған қазақ тілінде сөйлеу керектігін түсіндірді.

«Мен өте қуаныштымын. Бүгін баспасөз мәслихаты өтіп жатыр. Ертең, сенбі күні бірінші жекпе-жегіме шығамын. Бүкіл қазақ халқын қуантып, жеңіске жетемін деп үміттенемін. Әлем чемпионы болсам деймін. Барлықтарыңызға рақмет! Жанкүйер болыңыздар!», – деді Д.Елеусінов.